شعب بين الحياه الصعبه ومواجهة جائحة كاورونا

الناس  الي في الصور دي، مش الشعب الي بيصيف في الساحل دلوقتي، ولا الشعب بتاع نجيب ساويرس ورجال الأعمال طبعا 

معظم إن مكانش كل الناس دي حالهم متدهور تمامًا، الناس دي فيهم كتير شغالين باليومية، ومبيدخلش بيوتهم جنيه حرفيًا من أول الأزمة، في ناس فيهم محليتهمش في الحياة دي غير شوية الأكل الي بيجيبوه وهما مروحين كل يوم،

الناس دي ظروفها صعبة، ووراهم كوم لحم، وعيال مسؤولين منهم، وأسر كامله بتشحت حرفيًا من أول الأزمة ولا حد سائل فيهم، والي صبر عالحال ده اسبوع واتنين وشهر واتنين هيجيله يوم مش هيقدر يصبر فيه أكتر من كده

الناس دي مختارتش حاجه من الي هما فيه، لا اختاروا وضعهم المادي ولا حالتهم الإجتماعية ولا الظروف الي لقوا نفسهم مرميين فيها بدون أي إراده منهم وبيتقالهم اقعدوا في بيوتكم بالشهور من غير أي تعويض مادي يسندكم ربنا يرفع عنا الوباء والبلاء