:
محمود الطيب
الميزه الوحيده في الغربة بعد ما بتعيش سنين هناك مابيفرقش معاك حد القرب زى البعد الموت مش يفاجئ الفراق مش بيزعل العلاقات المقطوعه مش بتاثر فيك بعد ما تفقد الامل ان حد ممكن يتصل بيك يسألك ازيك من باب الاطمئنان واى مكالمة هتجيلك انت متاكد ان حد عايز منك مصلحه او في مصيبه انت بعد الغربه تتخطى كل المشاعر دي والزعل دا كله ميجيش حاجه جنب غربتك ولا نقطه في بحر الغربة ولا ممكن حاجه تحركك من جوه انت بالتدريج أخذت المناعة إلى تقويك انت مصفح من بره وجوه انت متوقع كل الصدمات ومتصدي ليها كمان ورغم انك بقيت بطل حياتك الوحيد الى انك مع نفسك هش اوى ولوحدك نفسك تلاقي الى يطبطب عليك لكن مع مرور الوقت بتتعود ومشاعرك بتهدى ويختفى الخوف والقلق وبتحب غربتك وبتعشقها كمان الغربه مدرسه بتقسيك وبتعلمك وتقويك وبتعقلك وبتكبرك وبتوعيك وبتتعبك بس بتتعالجك بعد كده الامور السطحيه بتاعتكم مابتفرقش معانا كمغتربين الصرعات والزعل والمجملات ما بتوجعناش احنا بعد اول تلت اربع سنين من الغربه خلصنا الزعل والوجع والدموع نشفت شكرا للايام الى عشناها بعيد وشكرا لكل الى مسالش علينا فغربتنا خلتونا مانحتاجش حد غير ربنا شكرا لكل حد مافكرش يرفع سماعة تليفونه ع المغترب شكرا لكل الى خلونا نشيل المسؤليه لوحدنا شكرا مش عوزين حد يشاركنا اوجعنا ولا احنا هنشاركم
تعليقات
إرسال تعليق